Gəncədə avtomobilin vurduğu 1961-ci il təvəllüdlü piyada xəstəxanada ölüb, cinayət işi açılıb

Gəncədə oktyabrın 16-da Nəriman Nərimanov prospektində yol-nəqliyyat hadisəsi baş verib. Hərəkətdə olan avtomobil yolun qarşı tərəfinə keçməyə çalışan 1961-ci il təvəllüdlü Ə.Huseynovu vurub.

TƏBİB-in APA-ya verdiyi məlumata görə, xəsarət alan kişi 16.10.2026-cı il tarixində saat 23:00 radələrində Gəncə Şəhər Birləşmiş Xəstəxanasının nəzdindəki Abbas Səhhət adına xəstəxanaya yerləşdirilib. Vəziyyəti ağır olan pasiyentə reanimasiya tədbirləri göstərilsə də, 23.10.2026-cı il tarixində saat 18:10 radələrində onun bioloji ölümü qeydə alınıb.

Fakt üzrə cinayət işi açılıb.